SKY Апартманите се приватен сместувачки капацитет (куќа) и како таков во своите цени ВКЛУЧУВА:
– престој според договорениот број на гости и ноќевања;
– сите трошоци за интернет, електрична енергија и слично (од гостите нема да бидат побарани никакви дополнителни плаќања за туристички такси, користења на клима или слично);
– се што е оставено во апартманот за гостите да се послужат ВО ТЕКОТ на својот престој (на пример: овошје, освежителни пијалоци, средства за хигиена, сетови од пешкири, бањарки и слично);
– замена на пешкири и постелнина (но, само онака како што е наведено во КУЌНИОТ РЕД).
Во цените НЕ Е ВКЛУЧЕНО:
– оброци (доучек, ручек, вечера);
– чистење на апартманот додека трае престојот на гостите (како во хотелите);
– користење на машина за перење и сушење алишта.
*** По желба на гостите услугите за чистење на апартманот или перење на алишта може да бидат вклучени во цената на нивната резервација, според условите и доплатите кои се наведени во КУЌНИОТ РЕД.

Доколку имате направено резервација, обележувате посебен повод и сакате апартманот специјално да се декорира за вашето „изненадување“ – имате две опции:
опција 1: можете украсувањето да ни го препуштите нам (секако во консултација со вас);
опција 2: да го направите самите или да ангажирате трето лице кое ќе се погрижи за тоа.

При првата опција, ние ќе се погрижиме за реализацијата на идејата од А до Ш, па кога ќе пристигнете во апартманот се (од музиката, до светлата и балоните) ќе биде подготвено онака како што е прикажано на сликите објавени на нашите Instagram и Facebook профили. Одговорноста за начинот на украсувањето, чистењето и раскревањето се наши (по направениот check out, освен ако не е однапред поинаку договорено). Притоа мора да нагласиме дека не сме професионалци, но се трудиме да внимаваме на сите детали и во секоја декорација да внесуваме уникатни елементи.

При втората опција, вие ја сносите целата одговорност за инвентарот во апартманот, начинот на украсување, чистењето и раскревањето. Доколку е однапред договорено може да се наплати дополнителна такса за чистење на апартманот по направениот check out. Претходно најавеното трето лице кое е ангажирано од ваша страна, може слободно да влезе во апартманот со ваша придружба и одкако ќе направите check in. ВАЖНО: поучени од претходни искуства, овде мора да нагласиме дека лепење на декорации врз ѕидовите не е дозволено и може да резултира со наплаќање на пенали.

За резервации или одговори на вашите дополнителни прашања, достапни сме на телефонскиот број: 00389(0)78/605-839 (Viber/WhatsApp), како и на социјалните мрежи Facebook и Instagram. Потребно е да ни го наведете посакуваниот период на престој и бројот на гости, а ние на пораките од нашите гости се трудиме да одговараме час побрзо, испраќајки понуди со вкупни цени и конкретни апартмани кои се слободни на посакуваните датуми.

Покрај тоа што јасно е прикажано на сликите, апартманот Космос е опремен со сетови од пешкири за секој гостин, бањарки, папучи, основни средства за лична хигиена, морска сол и пенлива купка за бањата, фен за коса и слично.
Дополнително, во склоп на кујната има има свежо овошје, кафе, чај, освежителни пијалоци, блендер, електричен бокал за вода, електрично гезве за кафе, чаши за различни пијалоци, садови и прибор за јадење и слично.
Просторот за дневен престој е опремен со ТВ, Blu Ray Player, видеотека со филмови, како и квалитетно озвучување за посебно доживување.
При резервации од повеќе ноќевања, гостите во апартманите можат да пронајдат и правосмукалка, џогер, средства за чистење и слично.
Во апартманите нема пегла за алишта, но на барање на гостите истата ја обезбедуваме, се разбира без доплата.

Најчесто резервациите ги правиме без депозит. Но, во екот на летната сезона (од средината на јуни до почетокот на октомври) или за време на празници и актуелни датуми во градот (карневал, фестивал, спортски турнири, продолжени викенди, државни празници) го запазуваме правото да ги осигураме направените резервации со претходно уплатен депозит кој најчесто изнесува 50% од вкупната цена на резервацијата.

За жал, апартманите немаат лифт и до СИТЕ нив се доаѓа исклучиво со искачување на одреден број скалила. Особено апартманот Космос е целосно неприлагоден за лица со попреченост, заради големиот број скалила, како и самата поставеност на просторот.

Конкретно, кратко, јасно: НЕ. Ве молиме пријатели – доколку имате направено резервација со таква цел, навремено откажете ја! Галама во апартманите која го попречува куќниот ред и мир, ќе резултира со прекин на престојот, без рефундирање на уплатените средства.
Од сесрце се добредојдени гостите кои обележуваат свој посебен датум, но со запазување на сите правила од КУЌНИОТ РЕД.

Паркингот не е во наша приватна сопственост, според тоа не сме во можност да им дадеме 100% гаранција на гостите дека секогаш ќе имаат слободно паркинг место пред самиот влез. Но, паркирањето долж улицата е слободно и бесплатно – при што гостите се замолуваат, како совесни возачи, СЕКОГАШ да ги почитуваат ознаките кои нашите соседи ги имаат поставено на своите гаражи.

Плаќањето на ВКУПНАТА цена на резервацијата се врши пред почетокот на престојот. Според тоа, гостите може да ја направат уплатата во кеш, при нивното пристигнување и сместување во апартманот или пак со приложување на доказ за извршена банкарска трансакција.

Времето за пријавување во апартманот КОСМОС е од 16:30 до 21:30 часот.
Времето за одјавување е најкасно до 13:30 часот.
Отстапување од овие временски рамки е можно исклучиво кога тоа е однапред договорено со гостите (во главно за гостите кои патуваат од други земји и пристигнуваат касно навечер).
Не заборавајте навремено да не известите за точното време на вашето пристигнување, бидејќи апартманите немаат рецепција како кај хотелите.